Privacy policy

Aakhri badlav: 9 Nov 2026

Ye page batata hai ki OfficeJob.in (OfficeJob.in) aapki kaun si jaankari leta hai aur uska kya karta hai.

Hum kya jaankari lete hain

• Candidate se: naam, mobile number, sheher, padhai, experience, skills, kitni salary chahiye, aur aapka resume (agar upload karo).
• Employer se: company ka naam, pata, HR ka naam aur number, aur job ki jaankari.
• Apne aap: login ke liye ek cookie, aur suraksha ke liye galat login ki koshish ka IP address.

Jaankari kise dikhti hai

• Jis job par aap apply karte ho, us employer ko aapki profile, number aur resume dikhta hai.
• Agar profile me "employers ko meri profile dikhao" chalu hai, to candidate dhundhne wale plan ke employers bhi aapki profile dekh sakte hain. Ise aap profile me kabhi bhi band kar sakte ho.
• Job aur company ki jaankari sabko dikhti hai. HR ka number sirf login kiye hue candidate ko dikhta hai.
• Hum aapki jaankari kisi ko bechte nahi hain.

Jaankari kab tak rehti hai

Jab tak aapka account hai. Candidate profile page se account delete kar sakta hai, uske saath profile, resume aur applications bhi hat jati hain.

Aapke adhikar

• Apni jaankari dekhna aur badalna: profile page se.
• Account aur jaankari hatwana: profile page se, ya hamse sampark karke.
• Koi shikayat ho to sampark page par likho.

Suraksha

Password ek-tarfa code (hash) me badal kar save hota hai, hum bhi use padh nahi sakte. Resume ki file seedhe link se nahi khulti, sirf aap aur sambandhit employer use dekh sakte hain.